Карпович «Ақтөбемен» келісімшарт мерзімін ұзартты

«Ақтөбе» футбол клубы бас бапкер Андрей Карповичпен келісімшарт мерзімін ұзартты, деп хабарлайды Prosports.kz.

Клубтың баспасөз қызметі хабарлағандай, маманмен келісімшарт тағы бір жылға жасалды.

<span>41 жасар қазақстандық маман биыл мамыр айында «Ақтөбенің» тізгінін ұстап, команданы турнирлік кестедегі жетінші орыннан екінші сатыға көтере білді.</span>

Андрей Карпович 2022 жылғы маусымның қорытындысы бойынша «Қазақстанның үздік жаттықтырушысы» атанды.