Бразилия Франция құрамасының 1998 жылғы рекордын қайталады

Бразилия құрамасы әлем чемпионатының алғашқы екі турында өз қақпасына тура соққы жасатпады, деп хабарлайды Prosports.kz тілшісі Opta сайтына сілтеме жасап.

Бірінші турда Сербия, екінші турда Швейцария Тите шәкірттерінің қақпасына дәл соққы жасай алмаған.

Осылайша, бразилиялықтар тарихта мұндай жетістікке жеткен екінші құрама атанды. Бұған дейін Франция 1998 жылғы әлем чемпионатында дәл осындай көрсеткіш жасаған. Сол жылы Франция финалда Бразилияны жеңген еді.

Ал Бразилия құрамасы G тобында 6 ұпай жинап, Катардағы әлем чемпионатының плэй-офф кезеңіне шықты.