«Қайрат» ФК ресми мәлімдеме жасады

«Қайрат» ФК ресми мәлімдеме жасады, деп хабарлайды Prosports.kz тілшісі клубтың баспасөз қызметіне сілтеме жасап.

<span>«Қазіргі уақытта әлеуметтік желілер мен бұқаралық ақпарат құралдарында «Қайрат» футбол клубына қатысты жалған ақпарат таратылуда.</span><br /><br /><span>Клуб бұл ақпарат шындыққа жанаспайтынын мәлімдейді. «Қайрат» ФК жұмысы бұрынғы режимде жүргізілуде және қазіргі уақытта барлық күш 15-қазанда сағат 17:00-де Алматы қаласының «Орталық» стадионында өтетін 2022 жылғы Қазақстан Республикасы Чемпионатының 23-турына, «Астана» ФК-на қарсы ойынға дайындалуға бағытталған.</span><br /><br /><span>Бұл ақпарат шындыққа сәйкес келмейтініне тағы да назар аударамыз. БАҚ өкілдерінен клубтың баспасөз қызметіне хабарласуды, тексерілмеген ақпаратты таратпауды және тек ресми дереккөздерге сенуді сұраймыз», - делінген клуб хабарламасында.</span>

<span>Айта кетейік, бұған дейін әлеуметтік желілерде Қайрат Боранбаев клубты Алматы әкімдігіне қайтарды деген ақпарат шыққан болатын.</span>