«Қайрат» ФК басшысы Қайрат Боранбаевқа қатысты тергеу ісі аяқталды
Қаржы мониторингі агенттігі Қайрат Боранбаев пен оның агенті Роман Нахановқа қатысты істі тергеуді аяқтады, деп хабарлайды Prosports.kz Zakon.kz сайтына сілтеме жасап.
Тергеу «ҚазМұнайГаз» ҰК» АҚ басқарушы директоры Ибулла Серді мен «QazaqGaz» ҰК» АҚ басқарма төрағасының орынбасары Жанұзақ Тайырға да қатысты, олар аса ірі көлемде мемлекет қаржысын жымқырды және қылмыстық кірісті заңдастыруға күдікке ілінді.
Осылайша, олар 2019 жылы бақылаудағы «Азиягаз Чунджа» ЖШС арқылы газды жеткізу кезінде Qazaq Gaz (бұрынғы ҚазТрансГаз) ұлттық компаниясының қаржысын жымқырудың қылмыстық схемасын жүзеге асырған.
Ұрланған 14,5 млрд теңге көлеміндегі қаражат кейіннен заңды кәсіпкерлік қызметтен дивиденд бөлу және төлеу желеуімен заңдастырылған.
Осылайша, күдіктілер жасалған заңсыз операцияларды жасырған.
Тергеу барысында келтірілген шығын толық көлемде өтелді. Сонымен қатар, 38 миллиард теңгенің қолма-қол ақшасы мен 4,2 миллиард теңгенің жылжымайтын мүліктері тәркіленді.
Осы бөлім бойынша тергеу аяқталды, материалдар процеске қатысушыларға таныстыру үшін берілді.
Сонымен бірге, Австрия, Латвия, Люксембург, Молдова, Тәжікстан, Біріккен Араб Әмірліктері және Эстониядан заң көмегінің нәтижесін алмағандықтан, Боранбаевтың заңсыз әрекеттерінің басқа эпизодтары бойынша тергеу жалғасуда.
Сонымен қатар, агенттік заңсыз кірістер есебінен сатып алынған шетелдік активтерді анықтау және тыйым салу жұмыстарын жүргізуде.
Шетелдік әріптестерден материалдар келіп түскеннен кейін тиісті құқықтық баға беріледі.
Айта кету керек, 2010 жылдан бері Боранбаевқа қарасты компаниялар ұлттық мүддеге қайшы келетін пайданы шетелдік шоттарда шоғырландыра отырып, Қазақстанда өндірілген газдың едәуір бөлігін экспорттаған.
Жедел-іздестіру іс-шараларының нәтижесінде жылдық құны 440 миллион АҚШ долларынан (207 миллиард теңге) асатын қазақстандық газдың көрсетілген көлемі ел ішіндегі тұтынушыларға және мемлекеттің экспорттық әлеуетін арттыруға бағытталды.
17 наурызда Қаржы мониторингі агенттігінің баспасөз қызметі қазақстандық кәсіпкер Қайрат Боранбаевтың ұсталғанын хабарлады. Ведомство квазимемлекеттік сектордағы аса ірі көлемдегі қаражатты ұрлау фактісі бойынша қылмыстық істі тергеп жатыр