Қазақстан жастары жолдастық матчта Беларусьпен тең түсті

Минскіде Қазақстан жастар құрамасы (21 жасқа дейінгі) Беларусь жастар құрамасымен жолдастық кездесу өткізді, деп хабарлайды Prosports.kz.

Кездесудің 31-минутында Қазақстан жастар құрамасының шабуылшысы Максим Самородов кездесуде есеп ашты. Алайда араға сегіз минут салып Карпицкий ойында таразы басын теңестірді. Нәтижесінде кездесу 1:1 есебімен тең аяқталды.

Айта кетейік, 24 қыркүйекте Қазақстан жастар құрамасы Ресейден 1:2 есебімен жеңілген болатын.

Беларусь U-21 — Қазақстан U-21 1:1 (1:1)

Гол соққандар: Самородов 31 (0:1), Карпицкий 39 (1:1).