Қазақстанның жас футболшылары «Бавария» клубын көріп қайтуға бақ сынасуда

<div style="text-align: justify;"> <strong>Бүгін Алматыда балалар үйінің тәрбиеленушілері арасында футболдан III &nbsp;ашық чемпионат басталды, деп хабарлайды&nbsp;<a href="http://prosportkz.kz">&laquo;PROСПОРТ&raquo;</a>.</strong></div> <div style="text-align: justify;"> &nbsp;</div> <div style="text-align: justify;"> Қазақстанның жас футболшылары &laquo;Бавария&raquo; клубын көріп қайту құқығына ие болу үшін өзара бақ сынасуда. Спорттық шара &laquo;Бауыржан&raquo; қайырымдылық қоры мен ҚР Футбол Федерациясының қолдауымен ұйымдастырылып отыр. Іріктеу сайыстары 30 сәуірден бастап Қазақстанның әр аймағында болып өтті. Жолдаманы жеңіп алу үшін 18 команда бақ сынады. Олардың ішінде 8 команда финалға жолдама алды.</div> <div style="text-align: justify;"> &nbsp;</div> <div style="text-align: justify;"> &laquo;Чемпионат жетім балалардың спортқа деген қызығушылығын арттырып, жақсы жетістіктерге жетуге ұмтылдырады. Болашақта олардың әлеуметтік ортаға сіңіп кетуіне жағдай жасайды. Жеңімпаз команда Мюнхендегі &laquo;Бавария&raquo; футбол клубы мен атақты &laquo;Альянс Арена&raquo; стадионын көріп қайту мүмкіндігіне ие болады&raquo;, - деді қайырымдылық қорының президенті Жұлдыз Омарбек.</div> <div style="text-align: justify;"> &nbsp;</div> <div style="text-align: justify;"> Оның айтуынша, атақты футболшылармен кездесу балалардың өміріндегі ең бақытты сәт болмақ. Осы жүздесу олардың болашақтағы өмірін де күрт өзгертуі мүмкін. Бүгінгі спорттық сайысқа Олимпиада чемпионы Ермахан Ыбрайымов келді.</div> <div style="text-align: justify;"> &nbsp;</div> <div style="text-align: justify;"> &laquo;Спорт баланың мінезін қалыптастырады. Жеңіске деген жігерін қайрайды. Жақсы жетістіктерге жету үшін көп ізденіс, еңбек керек. Оның бәрі бала кезден қалыптасады&raquo;, - деді чемпион.</div> <div style="text-align: justify;"> &nbsp;</div> <div style="text-align: justify;"> Айта кетейік, өткен жылдың чемпиондары №1 Алматы облыстық балалар үйінің тәрбиеленушілері &laquo;Милан&raquo; футбол клубының жаттығу базасында қонақта болып қайтты.</div> <div style="text-align: justify;"> &nbsp;</div> <div style="text-align: right;"> <span style="font-size:14px;"><em>Дереккөз:&nbsp;inform.kz сайты</em></span></div>