«Шахтердің» жастар командасының капитаны «Астанаға» қарсы матч туралы пікірін айтты

«Шахтер-Болат» командасының капитаны Руслан Тутқышев Қазақстан кубогының 6-туры аясындағы «Астанаға» қарсы матч (1:7) туралы пікірін айтты, деп хабарлайды Prosports.kz.

- Біз үшін кешегі ойын үлкен тәжірибе және өзімізді жоғары деңгейде көрсетуге мүмкіндік болды. Матч жоспары мен бапкер тапсырмасын орындауға тырыстық. Бәрі ойдағыдай болған жоқ, бірақ біз жоспардан ауытқымай, бірінші нөмірмен ойнап, қарсыласқа қысым көрсетуге тырыстық. Стадионда ерекше атмосфера мен жанкүйерлер тарапынан керемет қолдау болғанын атап өткім келеді. Кешегі матчқа келгендердің бәріне алғыс айтқым келеді.