«Атырау» жанкүйерлері клуб басшылығының қызметінен кетуін талап етті

«Атыраудың» жанкүйерлері клуб басшылығының қызметінен кетіп, команданы қайта жасақтауды талап етті.

<span>Атырауда команда жанкүйерлері мен басшылығы кездесті. Жанкүйерлер командадағы легионерлердің ойынына риза емесін, нәтиже көңіл көншітпейтінін айтады.<span class="Apple-converted-space"> </span></span>

<span>«Ордабасыға» қарсы өткен өз алаңындағы ойында «Атырау» командасы жеңіліс тапқан соң жанкүйерлердің ашуы одан әрі булыға түскен.<span class="Apple-converted-space"> </span></span>

<span>Жанкүйерлермен кездесуге шыққан «Атырау» футбол клубының бас менеджері Әлішер Абсалямов командаға келгеніне көп болмағанын айтты.</span>

<span>- Бес ай ішінде бәрін жасау мүмкін емес. Бұл кәсіби спорт. Біз бес ай бұрын ғана келдік. Сиқыршы еміспіз ғой. Сонда Реал Мадридді әкелейік пе? Болмайды, - деп келтіреді маманның сөзін КТК телеарнасы.</span>

<span>Наразы жанкүйерлер бағы ашылмаған «Атырау» футболын жеке адамдардан алып, мемлекеттік басқаруға қайтарса дейді. Тіпті осы талап-тілектерін айтып, облыс әкімі Серік Шапкеновке үндеу жариялады.</span>