«Челси» - ағылшын премьер-лигасында ең көп сыйақы иеленген клуб

<p style="text-align: justify;"> <strong>2014/2015 жылғы маусымда Англия премьер-лигасында чемпион атанған лондондық &laquo;Челси&raquo; ең көп сыйақыға ие болды. Нәтижесінде &laquo;ақсүйектер&raquo; ағылшын біріншілігі тарихында сыйақы мөлшері бойынша рекорд орнатты.</strong></p> <p style="text-align: justify;"> Ресейлік Роман Абрамовичтің клубы бұл маусымда қаржы қорын 99 миллион фунт стерлингке байытқан. Оның 24,9 миллионын премьер-лигада чемпион атанғаны үшін алса, 19,98 миллионын тікелей эфир таратылымынан иеленген. Ал ағылшындық және шетелдік арналардан түскен табыс 49,8 миллион фунт стерлингті құраған. Ал қалған 4 миллионнан астам қаржыны демеушілері төлеген.</p> <p style="text-align: justify;"> Британдық &laquo;Daily Mail&raquo; басылымы таратқан ақпарат бойынша, &laquo;Челсиден&raquo; кейінгі орынға күміс жүлдегер &laquo;Манчестер Сити&raquo; орналасыпты. Олар 2015 жылы 98,5 миллион фунт стерлинг сыйақы алған. Үштікті тағы бір манчестерлік ұжым &laquo;Манчестер Юнайтед&raquo; қорытындылап тұр. &laquo;Қызыл сойқандардың&raquo; бұл маусымдағы табысы 96,8 миллион фунт стерлингті құраған. Манкуниандық ұжым премьер-лигада төртінші орын алғанмен, лондондық &laquo;Арсеналдан&raquo; тікелей эфир көрсетілімінің сатылымы бойынша көш ілгері болған. Ал жалпы премьер-лига клубтарының маусымдағы табысы 1,6 миллиард фунт стерлингті құрап отыр.</p> <div> &nbsp;</div> <div> Массагет.кз сайтынан</div>