Роналду «Баварияға» ауыспайтын болды

Криштиану Роналду «Баварияға» ауыспайтын болды, деп хабарлайды Prosports.kz тілшісі Sports.ru сайтына сілтеме жасап

Bild мәліметінше, мюнхендік клуб «Манчестер Юнайтедтің» шабуылшысын сатып алуды жоспарлап отырған жоқ.

Біріншіден, Германия чемпионы португалдықты жоғары жалақысына байланысты ауыстыруға мүдделі емес.

Екіншіден, команда 37 жастағы футболшының бапкер Юлиан Нагельсманның қысымға негізделген стиліне сай келетініне күмән келтіреді.