«Реалға» жаңа бапкер келді

<p style="text-align: justify;"> <strong>Футболдан мадридтік &laquo;Реалды&raquo; жаңа маусымнан бастап Рафаэль Бенитес жаттықтыратын болды. Испан басылымы &laquo;AS&raquo; таратқан ақпарат бойынша, клуб басшылығы бас бапкерді ертең ресми түрде таныстырады.</strong></p> <p style="text-align: justify;"> &laquo;Корольдік клуб&raquo; пен Рафаэль Бенитес үшжылдық келісімшартқа қол қойған. Испандық маман жылына 4 миллион евро жалақы алатын болады. Осыған дейін мәлім болғандай, Рафаэль Бенитес &laquo;Реалда&raquo; өзінің көмекшілерімен бірге жұмыс жасайтынын ескерткен болатын. Әзірге бапкердің бұл ұсынысы туралы клуб басшылығы мәлімдеме жасаған жоқ.</p> <p style="text-align: justify;"> Рафаэль Бенитес бапкерлік мансабын дәл осы &laquo;Реалда&raquo; бастаған. Алдымен клубтың жастар құрамасы жаттықтырып, 1989-1994 жылдар аралығында бас бапкердің көмекшісі қызметін атқарған. Одан кейінгі аралықта &laquo;Вальядолид&raquo;, &laquo;Осасуна&raquo;, &laquo;Эстремадура&raquo;, &laquo;Тенерифе&raquo;, &laquo;Валенсия&raquo;, &laquo;Ливерпуль&raquo;, &laquo;Интер&raquo;, &laquo;Челси&raquo; және &laquo;Наполи&raquo; клубтарын жаттықтырды.</p> <p style="text-align: justify;"> Бапкерлік мансабында &laquo;Валенсиямен&raquo; екі рет Испания чемпионаты мен бір рет УЕФА кубогын жеңіп алған. Ағылшындық &laquo;Ливерпульді&raquo; жаттықытырып жүргенде бапкер ірі жетістіктерді бағындыра білді. Англия чемпионы атанып қана қоймай, Англия кубогы, Суперкубогы және Чемпиондар лигасы мен Европа Суперкубогын иеленді. Миландық &laquo;Интерді&raquo; жаттықтырып жүргенде Италия Суперкубогы мен клубтар арасындағы әлем чемпионатында топ жарды. Ал лондондық &laquo;Челсимен&raquo; Еуропа лигасында жеңімпаз атанды. 2013 жылдан бері Неапольдың &laquo;Наполи&raquo; клубын жаттықтырған Рафаэль Бенитес Италия кубогын ғана иеленді.</p> <p style="text-align: justify;"> Бапкерлік мансабын бастаған клубына қайта оралған бапкер жаңа жоспарларымен бөлісіп те үлгеріпті. Испан ақпарат құралдарының хабарлауы бойынша, Рафаэль Бенитес алдағы маусымда &laquo;корольдік клуб&raquo; сапына Серхио Агуэро, Марко Вератти және қақпашы Давид де Хеаны қосуды жоспарлап отыр екен.&nbsp;</p> <p style="text-align: justify;"> Айта кетейік, осыған дейін мадридтік клубты италиялық маман Карло Анчелотти жаттықтырып келген болатын. Осы маусымда клуб ешбір жүлдеге қол жеткізе алмаған соң, қызметінен босатылған-ды.</p> <p style="text-align: justify;"> &nbsp;</p> <p style="text-align: justify;"> Массагет.кз сайтынан</p>