Дарабаев «Ақтөбеге» қарсы ойынды қорытындылады

«Астананың» жартылай қорғаушысы Аслан Дарабаев «Ақтөбемен» өткен кездесу туралы ойын айтты, деп хабарлайды Prosports.kz.

Бұл туралы елордалық клубтың баспасөз қызметі жазды.

- Ойын біздің бақылауымызда болды деп айта аламын. Менің ойымша, біз шабуылдың соңғы нүктесін қоюда сәл қателіктер жібердік. Иә, жеңіске жете алмадық, бірақ киім ауыстыратын бөлмеде де, алаңда да команданың өзіне, өз мүмкіндігіне сенімді екені байқалады. Біздің команда мықты және өз мақсатымызға қалай жетуге болатынын білеміз.