Георгий Жуков қытайлық клубқа ауысуға жақын

Қазақстан құрамасы мен польшалық «Висланың» жартылай қорғаушысы Георгий Жуков қытайлық «Ухан» командасына ауысады.

Бұл туралы Interia Sport басылымы хабарлады. Футболшы мен польшалық клуб арасындағы келісімшарт аяқталуға жақын. «Висла» осы маусымнан кейін жоғары дивизионнан ұшып кеткен болатын.

Таяу арада Жуков қытайлық команда сапына қосылатыны хабарланды. «Ухан» Семей тумасына келісімшарт ұсынған. 

Бұған дейін Жуков «Астана» мен «Қайрат», сондай-ақ голландиялық «Роде» мен ресейлік «Урал» сапында ойнаған.