Исламбек Қуат Қазақстан құрамасы сапында мерейтойлық кездесу өткізді

«Астананың» жартылай қорғаушысы Исламбек Қуат Қазақстан құрамасы сапында Беларусь құрамасына қарсы ойында (1:1) 50-ші ойынын өткізді, деп хабарлайды Prosports.kz.

Исламбек Қуат Қазақстан құрамасының сапында 2015 жылдың 3 қыркүйегінде Пльзен қаласында Еуропа чемпионатының іріктеу кезеңінде Чехияға қарсы матчта (1:2) алғашқы ойынын өткізді.

Беларусь құрамасына қарсы кездесу Исламбек Қуат үшін Қазақстан құрамасындағы 50-ші болды. Осы кездесулерде ол алты гол соқты.