Еуро-2023: Қазақстан жастар құрамасы (U-21) іріктеу кезеңіндегі соңғы ойынын өткізеді

Бүгін Ыстамбұлда Қазақстан жастар құрамасы (U-21) Еуро-2023 іріктеу кезеңі аясындағы соңғы кездесуін өткізеді, деп жазады Prosports.kz.

Іріктеу кезеңі басталғанда-ақ мамандар Қазақстан жастар құрамасын І тобының аутсайдері аталған. Шынымен солай болды: Қайрат Нұрдәулетов шәкірттері жеті ойында бір ұпай ғана жинап, турнирлік кестенің соңғы сатысында тұр. Жалғыз ұпайды өз алаңымызда өткен Шотландияға қарсы матчта (2:2) еншіледік. 

Ал былтыр қазан айында Қарағандыда өткен Түркия жастар құрамасына қарсы алғашқы матчта Қазақстан 0:1 есебімен жеңілген болатын.

Матч Ыстамбұлдағы «Реджеп Тайип Эрдоған» стадионында өтеді. Ойын Нұр-Сұлтан уақыты бойынша сағат 23:00-де басталады.