EURO-2023: Латвия - Израиль матчына қазақстандық төрешілер қазылық етеді

21 жасқа дейінгі жастар арасындағы EURO-2023 турнирі іріктеу кезеңі аясындағы Латвия - Израиль матчына қазақстандық төрешілер тобы қызмет атқарады, деп хабарлайды Prosports.kz.

Матчтың бас төрешісі болып оралдық Болат Сариев тағайындалды. Оған алматылық Сергей Васютин мен атыраулық Денис Лабашов көмектеседі.

Төртінші төреші - қызылордалық Данияр Сахи.

Айта кетейік, матч Рига қаласындағы «Сконто» стадионында өтеді.