«Мақтаарал» ойыншысы «Тобылға» қарсы матч туралы пікір білдірді
«Мақтааралдың» жартылай қорғаушысы Ғалымжан Кенжебек ҚПЛ-дың 12-туры аясында өткен «Тобылмен» матчқа (2:4) қатысты пікір білдірді, деп жазады Prosports.kz сайты клубтың баспасөз қызметіне сілтеме жасап.
<span>- Ең алдымен ел чемпиондарына қарсы жақсы ойын көрсеттік деп ойлаймын. Ұтуға болатын еді. бірақ қостанайлық команданың тіс қаққан ойыншылары тәжірибесінің арқасында матч тағдырын өз пайдаларына шешіп кетті. Өкінішті әрине.</span>
<span>Бірақ алда «Тобылға» қарсы бізді 3 ойын күтіп тұр. Оның біреуі чемпионаттағы өз алаңымызда қабылдайтын ойын, қалған екеуі ҚР Кубогының топтық кезеңіндегі матчтар. Аталған 3 матчқа барымызды салып, жеңуге тырысамыз.</span><br /><br /><span>— «Тобылдың» жасанды әрі жабық алаңында ойнау қиынға соқпады ма?</span><br /><br /><span>- Жасанды алаңда дайындалуға бізде уақыт болмады. Бірақ соған қарамастан өзімізді жақсы қырымыздан көрсеттік. Мен үшін жасанды алаң болсын, табиғи алаң болсын ешқандай айырмашылығы жоқ. Барлық алаңда ойнауға дайынмын, басқаларда солай.</span>
<span>Қарсыластарымыздың жанкүйерлері командаларына тоқтаусыз қолдау көрсетіп ойынға тамаша атмосфера сыйлады.</span><br /><br /><span>— Сенің ойыныңа «Мақтаарал» жанкүйерлері жақсы баға береді. Комментаторлар да мақтайды. Бас бапкер осы пікірлерге қосыла ма?</span><br /><br /><span>- Жанкүйерлер тарапынан жақсы баға берілсе, демек, ол - жақсы! Бірақ ешқашан мақтауларға мән бермеймін. Бір сөзбен айтқанда "мақтауға семіретін" адам емеспін.</span>
<span>Бас бапкерге келетін болсам: "Негізі құрамға шығу үшін сен әлі жассың"- дейді. Аздап тәжірибем де жетпейтін болар, сол себепті бапкердің ойына қарсы келмеймін. Ең бастысы маған тоқтамай алға жүруді үйретеді. Сенім білдіріп, үміт артады. Қандай матч болсын қосалқы құрамда қалдырып кетпей, ойынға 2-таймда шығарып тұрады. Мен бапкерге кінә артпаймын. Не болсада өзімнен көремін. Мүмкін, мен расыменде негізі құрамға дайын емес шығармын. Не болсада сырттан қараған адамға барлығы айдай анық көрініп тұрады.</span><br /><br /><span>— Қазақстан жастар құрамасына шақырту алдың ба?</span><br /><br /><span>- Жоқ. Бірақ шақырту күткенім рас. Құрама сапына іліне алмағаныма еш ренжімеймін. Демек мен әлі Қазақстан жастар құрамасында ойнауға лайықты емеспін. Алдағы уақытта болатын жаттығуларда көп тер төгіп, жасыл алаңда тәжірибемді шыңдаймын.</span>