Испаниялық футболшы Санти Мина сексуалдық зорлық жасағаны үшін 4 жылға бас бостандығынан айырылды

Альмерия соты «Сельта» клубының шабуылшысы Санти Минаны жыныстық зорлық-зомбылық жасағаны үшін төрт жылға бас бостандығынан айырды, деп хабарлайды Prosports.kz.

26 жастағы испаниялық футболшы жәбірленушіге 50 мың еуро көлемінде өтемақы төлеуі керек, оған алдағы 12 жылда жәбірленушіге 500 метрден жақын жақындауға тыйым салынады.

2017 жылы Мина түнгі клубтан алыс емес жерде досы, Ибица футболшысы Дэвид Голдардың көлігінде бір қызбен оның еркінен тыс жыныстық қатынасқа түскен. Бұл ретте Голдар қылмыстық жауапкершіліктен жалтарған.

Минаның қорғаушылар тобы үкімге шағымданбақшы.

2021/22 маусымында Мина «Сельта» сапында 36 ойынға қатысып, тоғыз гол соғып, бес нәтижелі пас берді.