«Астана» Қазақстан құрамасының футболшысын жазалады

«Астана» және Қазақстан құрамасының жартылай қорғаушысы Исламбек Қуат елордалық команданың негізгі құраманың жаттығуынан шеттетілді, деп хабарлайды Prosports.kz.

«Қуат ауыр тәртіп бұзғаны үшін жасөспірімдер құрамасына ауыстырылды», - делінген клубтың баспасөз қызметі таратқан хабарламада.

Еске салайық, бұған дейін БАҚ мұндай шешімді «Астананың» бас бапкері Срджан Благоевич қабылдағанын жазған болатын. Оған себеп – шетелдік әріптесі Джереми Манзорромен жанжал. Бұл ретте француз футболшысы жазаланбады, бұл «Астананың» басқа ойыншыларының наразылығын тудырды.