Ресми: Думбия - «Ордабасы» ойыншысы

«Ордабасы» футбол клубы ивуарлық жартылай қорғаушы Секу Думбиямен келісім-шартқа отырды.
⠀
Секу өзінің еуропалық мансабын молдавиялық «Саксан» клубында бастап, онымен бірге Еуропа Лигасының іріктеу кезеңінде ойнаған. 2015 жылы Думбия «Заря» Бельцыға ауысты. 2016-2019 жылдар аралығында ресейлік «Тамбов» клубында өнер көрсетіп, 2019-жылғы ФНЛ біріншілігінің чемпионы атанды.

Осы маусымда израильдік «Хапоэльден» (Хадера) шымкенттік клубқа ауысып келді. Ол еуропалық мансабында барлығы 106 кездесуге қатысып, бір гол соққан және төрт нәтижелі пас берген.