2022 жылғы әлем чемпионатының ресми добы таныстырылды

Футболдан 2022 жылғы әлем чемпионатының ресми добы таныстырылды, деп хабарлайды ҚазАқпарат.

<span>Аталған доп «Al Rihla» деген атауға ие. Ол араб тілінен аударғанда «Саяхат» деген мағынаны білдіреді. Доптағы өрнектер Катар елінің архитектурасы, тілі мен мәдениетінің негізінде жасалған. </span>

<span>Еске салсақ, бұған дейін оған 27 құрама жолдама алып үлгерді. Олардың қатарында алаң иесі – Катар, Еуропа елдерінен – Германия, Дания, Франция, Бельгия, Хорватия, Испания, Сербия, Англия, Швейцария, Нидерланды, Португалия, Польша, Оңтүстік Америкадан – Бразилия, Аргентина, Уругвай, Эквадор, Солтүстік Америкадан – Канада, Азия мемлекеттерінен – Иран, Оңтүстік Корея, Жапония, Сауд Арабиясы, Африкадан – Камерун, Марокко, Тунис, Гана, Сенегал құрамалары бар. </span>

<span>Енді Еуропа құрлығында әлем чемпинаты өтпелі сайысында бір ойынмен Шотландия мен Украина жеңімпазы анықталады. Кездесу шамамен маусым айына белгіленген. Жеңімпазы сол айда Уэльспен тағы бір жолдаманы сарапқа салады.</span>

<span> Одан кейін Оңтүстік Америка, Азия, Солтүстік Америка және мұхит аймағынан төрт құрама құрлықаралық өтпелі сайыста тағы екі жолдамаға таласады. </span>

<span>Әлем чемпионатының финалдық сатысының жеребесі 1 сәуірде Катар астанасы – Доха қаласында өтеді.</span>

<span>Дүбірлі дода биылғы жылдың 21 қарашасы мен 8 желтоқсаны аралығында Катарда болады.</span>