«Қайраттың» бұрынғы ойыншысы Мәскеуде жерленді

«Спартак» сапында КСРО чемпионы атанған Николай Осьянин Мәскеудегі Даниловский зиратына жерленді, деп хабарлайды Prosports.kz.

Бұл туралы ТАСС «Спартак» баспасөз қызметіне сілтеме жасап хабарлады.

Мәлім болғандай, қоштасу рәсіміне «Спартак» ардагерлері - Никита Симонян, Николай Киселев, Виктор Папаев, Сергей Рожков, Владимир Петров, Владимир Янкин, Евгений Ловчев, Александр Пискарев, Сергей Шавло, сондай-ақ, Юрий Гаврилов, Александр Мирзоян, Владимир Букиевский, Валерий Гладилин және Сергей Новиков қатысты.

Осянин дүйсенбі күні 80 жасында қайтыс болды, 1966-1971, 1974-1976 жылдары «Спартак» сапында ойнады, сонымен қатар «Искра», «Крылья Советов» және алматылық «Қайрат» сапында өнер көрсетті.