«Мұндай матчтарда мінез сыналады». Мұхамеджан Сейсен «Қайратқа» қарсы матч туралы пікір білдірді
«Тараз» қақпашысы Мұхамеджан Сейсен клубтың баспасөз қызметіне берген сұхбатында ҚПЛ-дың 3-туры аясында өткен «Қайратпен» ойын (1:1) жайлы пікір білдірді, деп хабарлайды Prosports.kz.
- Мұхамеджан, қаншалықты қиын болды?<span><br /><br />- Жеңіл ойынды күткен жоқпыз. Қиын түсетінін білдік. Әсіресе, бірінші тайм ауыр өтті. Қателіктер болып, қарсылас қарымта шабуылдарды тиімді пайдаланып жатты. Бірақ өзімізді қамшылап, жақсы қорғанып, жүйелі ойынымызды таптық.<br /><br />- Дегенмен голды екінші таймда жіберіп алдық қой...<br /><br />- Екінші кезеңде сенімді қорғана білдік. Бірақ бір ғана қателік болды. Қарсылас команда ойыншысының пасы да тамаша болды. Ондай мүмкіндікті "Қайрат" мүлт жібермейді.<br /><br />- Жауап гол соғылатынына сендің бе?<br /><br />- Әрине, оған уақыт жеткілікті болды. Дәл осындай матчтарда командалық мінез бен рух сыналады. Жігіттер барын салып, шабуылды жүйелі өрбітіп, нәтижесінде есепті теңестірді. Кем дегенде тең тарқасатынымызға сендім.<br /><br />- Мұндай нәтижеге әкелген не деп ойлайсың?<br /><br />- Біріншіден, бапкердің қойған тактикасы және футболшылардың барын салып ойнауы. Әрине, жанкүйерлердің де қолдауы өте маңызды болды. Олар бізге өте жақсы жанкүйерлік етті. Сол үшін үлкен рахмет айтамын!</span>