«Бұл жеңіс біз үшін өте маңызды». «Астананың» қорғаушысы «Ақтөбеге» қарсы өткен матч туралы ойын айтты
«Астананың» қорғаушысы Даниил Бескоровайный «Ақтөбеге» қарсы өткен матч жайлы және команданың ішкі көңіл-күйі туралы пікірін білдірді, деп хабарлайды Prosports.kz клубтың баспасөз қызметіне сілтеме жасап.
– Біріншіден, барша қазақстандықтарды Жаңа жыл – Наурыз мейрамымен құттықтағым келеді!
Иә, Құдайға шүкір, жеңіске жетіп, чемпионаттағы алғашқы үш ұпайымызға қол жеткіздік. Ойын оңайға соқпады, бізге нәтиже жағынан үлкен қысым болды, сондықтан, кейбір сәттерде сәл жабылып ойнадық. Дегенмен, жеңістер бойымызға үлкен сенімділік ұялататыны анық және әр ойын сайын ойынымызды күшейтеміз. Біздің жанкүйерлер әдемі ойындар мен жеңістерге лайық!
– Қазіргі уақытта команданың ішкі көңіл-күйі қалай және өткен екі сәтсіз ойыннан кейін бұл жеңіс қаншалықты маңызды болды?
– Әлбетте, барлығы жеңіске дән риза, алайда біз бағындыратын белестер әлі алда. Біздің команда – жаңа, сондықтан, барынша тезірек бір-бірімізге үйренісуіміз керек.