ҚПЛ-дан төрт футболшы Қырғызстан құрамасына шақырту алды

Қырғызстан Республикасының ұлттық құрамасы бас бапкер Александр Крестининнің жетекшілігімен 14 наурыздан бастап Түркияда оқу-жаттығу жиынын өткізеді, деп хабарлайды Prosports.kz.

Команда Өзбекстанда өтетін «Наурыз кубогы» халықаралық турниріне қатысады. Бұл 2023 жылғы Азия чемпионатының іріктеу ойындарына дайындық кезеңдерінің бірі болмақ.

Қырғызстан құрамасының сапына Қазақстан Премьер-лигасының клубтарынан Ержан Токотаев, Фархат Мұсабеков (екеуі де «Тұран»), Қайрат Жырғалбек ұлы («Ақсу») және Гүлжігіт Алықұлов («Қайрат») шақырту алды.