Валерий Карпин «Локомотивті» баптауы мүмкін

Матч ТВ хабарлауынша, Ресей құрамасының бас бапкері Валерий Карпин мәскеулік «Локомотив» командасының бас бапкері қызметіне негізгі үміткерлердің бірі, деп хабарлайды Prosports.kz.

Клуб ықтимал ынтымақтастық үшін Карпинмен хабарласқан. Карпиннің РФС-пен келісімшарты наурыз айының соңына дейін жарамды.

Сейсенбі күні «Локомотив» Маркус Гисдолдың команданың бас бапкері қызметінен кететінін хабарлады, оның көмекшісі Сильбрехт Луц та клубтан кетті.

Дүйсенбіде ФИФА мен УЕФА Украинадағы жағдайға байланысты ресейлік клубтар мен ұлттық құрамалардың өз қамқорлығындағы турнирлерден шеттетілетінін хабарлады. Осылайша, Катарда өтетін әлем чемпионатына жолдама үшін Ресей құрамасының Польша құрамасымен жартылай финалдық кездесуі өтпейді.