Суперкубок-2022: алдағы матч қатысушыларына бес сұрақ
Маусымның алғашқы жүлдесі үшін матч алдында Prosports.kz тілшісі «Тобыл» мен «Қайрат» ойыншыларына бес сұрақ қойды.
- Сіздің команда үшін Суперкубокта жеңіске жету қаншалықты маңызды?
Асхат Тағыберген («Тобыл»):
- Маусымның алғашқы жүлдесі кез келген ойыншы мен команда үшін өте маңызды. Осы жүлдеге ие болып, маусымның қалған бөлігінде басқа жүлделер үшін бәсекелестікте ойыншылар жақсы өнер көрсете алады.
Сергей Кейлер («Қайрат»):
- Әрине, Суперкубокта жеңіске жету біз үшін өте маңызды. Қай турнирге қатысатынымыз маңызды емес, біздің алдымызда әрқашан жеңіске деген міндет бар. Сондықтан біз алдағы матчқа байсалды қараймыз.
- Егер таңдау мүмкіндігі болса - Суперкубокта немесе чемпионатта жеңіске жету - қайсысын таңдар едіңіз?
А.Т.
- Мен екі рет бұл жүлденің иегері болдым және мен үшін бұл басқа марапаттарыммен бір деңгейде.
С.К.
- Мен бұл жүлделердің арасында таңдау жасағым келмейді. Мен үшін «Қайрат» сапында әр кездесуде жеңіске жету мен әр жүлдеге ие болу маңызды.
- Алдағы кездесуде фаворит кім?
А.Т.
– Бас бапкеріміз (Александр Москаленко – еск. Prosports.kz) айтқандай, матчта мықтылар жеңіске жетеді, бірақ мүмкіндік тең. Бұл жүлдені екі команда да жеңіп алғысы келеді. Бұл өте қиын матч болады. Соңына дейін күресетініміз анық. Сондай-ақ ойын алдында мереке атмосферасы мен маусымның әдемі ашылуы, сондай-ақ ұзақ қысқы үзілістен кейінгі командалардың ойын сапасы әлдеқайда маңызды екенін атап өтемін.
С.К.
- Бұл матчта командалардың бірі фаворит болып саналады деп ойламаймын. Бұл финал. Жеңіске жету мүмкіндігі екі командада да тең.
- Қарсылас команданың ең қауіпті ойыншысы?
А.Т.
- Әрине, «Қайрат» - өте мықты қарсылас, олардың құрамы жақсы, тәжірибелі бапкері бар. Бір нәрсені білемін - біз жеңіс үшін қолдан келгеннің бәрін жасауға тырысамыз.
С.К.
– Мен ешкімді бөліп айтпаймын. «Тобыл» – мықты ойыншылары бар жақсы команда. Бізді мықтылар жеңетін кездесу күтіп тұр.
- Сіздердің мықты жақтарыңыз?
А.Т.
– Бұл сұрақтың жауабы жанкүйерлерге қалсын, олар жақсырақ біледі.
С.К.
- Ойын көрсетеді.
Естеріңізге сала кетейік, 2022 жылғы Қазақстан Суперкубогы үшін матч 2 наурызда Нұр-Сұлтанда өтеді. Ойын «Астана-Арена» стадионында елорда уақытымен 19:30-да басталады.
Фото: «Қайрат» ФК, «Тобыл» ФК