Санкт-Петербург Чемпиондар лигасының финалын қабылдамайды. Оны ауыстыратын қала ресми хабарланды

2021/2022 жылғы маусымдағы Чемпиондар лигасының финалы Санкт-Петербургтен Парижге ауыстырылды, деп хабарлайды<span> </span>Prosports.kz.

УЕФА атқарушы комитеті бүгін кезектен тыс отырыс өткізген. Онда Чемпиондар лигасының финалына қатысты шешім шығарылды. 

Биылғы маусымдағы финалды Санкт-Петербург қабылдамайтын болды, оны Сен-Денидегі «Стад де Франс» стадионы ауыстырады. 

Финал 28 мамырға жоспарланған. 

Еске салайық, 24 ақпанда Украинада әскери жағдай жарияланған. Оған Украинада Ресей арнайы операция бастауы себеп болған еді.