«Шленск» Артур Шушеначев үшін қанша төлейтіні белгілі болды

Қазақстан ұлттық құрамасы мен «Қайраттың» шабуылшысы Артур Шушеначев польшалық «Шленск» клубына қанша сомаға ауысатыны белгілі болды.

AlaDop-каналаның мәліметінше, «Шленск» 23 жастағы қазақстандық ойыншыны сатып алу үшін «Қайратқа» 300 мың еуро төлейді. Артурдың жалақысы 12 мың еуроны құрайды.

Бұған дейін Wroclaw басылымы «Шленск» Артур Шушеначевті 600 000 еуроға сатып алатынын хабарлаған еді. Ал келісімшарт мерзімі 3,5 жылға жасалады.