«Атырау» украиналық клубпен жолдастық матч өткізеді

Украиналық Харьков қаласының командасы «Металлист» Түркиядағы оқу-жаттығу жиынында «Атыраумен» жолдастық кездесу өткізеді, деп хабарлайды Prosports.kz клубтың ресми сайтына сілтеме жасап.

«Атырау» ертең «Металлистпен» ойнайды. Матч елорда уақытымен 19:00-де басталады. Ойын украиналық клубтың YouTube арнасында тікелей эфирде көрсетіледі.

«Металлист» Украинаның бірінші лигасында ойнайды. 20 турдан кейін Харьков клубы 53 ұпаймен кестеде көш бастап тұр.