«Ордабасының» қорғаушысы «Тұранға» ауысты

Ресейлік қорғаушы Александр Клещенко «Тұран» футбол клубының ойыншысы атанды. Бұл туралы клубтың баспасөз қызметі хабарлады.

Бүгін 26 жастағы қорғаушы біздің клубпен келісімшартқа отырды. Александр Клещенко өткен маусымда «Ордабасы» сапында 28 матчқа қатысып, 1 гол соққан.

Сондай-ақ Қазақстанда «Тобыл» жейдесінде ойнады. Бұдан бөлек, мансабында «Алания», «Кубань», «Томь» және «Енисей» секілді команадаларда ойнаған.