«Шахтёр» сапында босниялық қорғаушы қосылды

«Шахтёр» футбол клубы босниялық қорғаушы Джордже Чосичпен келісімге келді. Бұл туралы клубтың баспасөз қызметі хабарлады.

Чосич 1995-жылдың 11 қыркүйегінде дүниеге келген. Бұған дейін тек отанында: «Дрина Зворник», «Витез», «Зриньски Мостар», және «Борац» командаларында өнер көрсеткен. Ағымдағы маусымда «Борац» құрамында 9 ойын өткізіп, бір гол соққан және бір нәтижелі пас берген.