«Шахтер» Ресейде ойнаған қазақстандық шабуылшымен келісімшарт жасасты

«Шахтер» ФК қарағандылық футболдың түлегі Роман Мұртазаевпен келісімшарт жасасқанын мәлім етті, деп хабарлайды Prosports.kz клубтың баспасөз қызметіне сілтеме жасап.

Мұртазаев кәсіпқой карьерасын 2012 жылы «Шахтер» сапында бастаған. 28 жастағы футболшы туған қаласының клубында Премьер-лигада 66 матч өткізіп, 9 гол соққан.

Сондай-ақ, ол «Ертіс», «Астана», «Тобыл» және ресейлік «Балтика» сапында ойнаған.