Ресми. Дмитрий Непогодов «Астанадан» кетті

Келісімшарт мерзімі аяқталғаннан кейін қақпашы Дмитрий Непогодов елордалық командадан кетті, деп хабарлайды Prosports.kz.

«Дмитрий «Астанаға» 2019 жылы келді. Елордалық клубта 33 матч өткізді. 2021 жылы Қазақстан чемпионатында Непогодов маусымдық рекорд орнатты – қақпашы 543 минут бойы гол өткізбеді.

«Астана» футбол клубының командасы Дмитрийге команданың жетістіктеріне қосқан үлесі үшін алғыс айтып, мансабында одан әрі табыс тілейді», - деп жазады клубтың баспасөз қызметі.