Лионель Месси коронавирус жұқтырды

Пари Сен-Жермен ресми сайтында коронавирус инфекциясын жұқтырған ойыншылардың есімдерін жариялады, деп хабарлайды Prosports.kz сайты.

Бұған дейін Париж клубының төрт ойыншысының COVID-19 сынағы оң нәтиже бергені белгілі болды. Бұл футболшылар Лионель Месси, Хуан Бернат, Серхио Рико және Натан Битюмазала. Ауру жұқтырған ойыншылар оқшаулануға жіберілді. ПСЖ шабуылшысы Неймар Бразилияда емделуді жалғастыруда. Футболшы үш аптадан кейін жаттығуға оралады деп күтілуде.

«Пари Сен-Жермен» 19 матчта 46 ұпай жинап, чемпионатта сенімді көш бастап тұр.