«Реалдың» төрт ойыншысы коронавирус жұқтырды

«Реал Мадрид» ресми сайтында негізгі құрамның төрт футболшысы коронавирус инфекциясын жұқтырғанын мәлімдеді, деп хабарлайды<span> </span>Prosports.kz.

Қақпашы Тибо Куртуа, жартылай қорғаушылар Федерико Вальверде мен Эдуардо Камавинга және шабуылшы Винисиус Жуниордан коронавирус анықталды.

Бұған дейін «Барселонада» жеті ойыншы, «Валенсияның» негізгі кұрамында төрт ойыншы COVID-19 жұқтырғаны белгілі болған.

«Реал Мадрид» 19 матчта 46 ұпай жинап, 2021/2022 жылғы Испания чемпионатының турнирлік кестесінде 1-орында тұр. Үздік үштікке – «Севилья» (38) және «Бетис» (33) кіреді. Испанияның қазіргі чемпионы – Мадридтік «Атлетико».