ЦСКА қазақстандық жанкүйерлердің видеосын жариялады

Мәскеулік ЦСКА-ның баспасөз қызметі Қазақстан құрамасының жартылай қорғаушысы Бахтиер Зайнутдиновтің жанкүйерлері түсірген видеоны жариялады, деп жазады Prosports.kz.

ЦСКА сапында ойнап жүрген қазақстандық футболшының жанкүйерлері Тараз көшелерінің бірінде қазіргі клубының атын айтып қолдау білдірді.

Клуб инстаграм желісіндегі ресми парақшасында «Қазақстанның Тараз қаласынан Баха мен ЦСКА жанкүйерлерінен музыкалық сәлем», деп жазды.

Бахтиер Зайнутдинов өзі де бұл видеоға назар аударды.