Кристиан Эриксен «Интерден» кетеді

Даниялық жартылай қорғаушы Кристиан Эриксен «Интермен» келісімшартын бұзады, деп хабарлайды Prosports.kz.

Бұл туралы бірқатар инсайдер мәлім етті. Бұған 29 жастағы футболшының денсаулығы себеп болған. ЕУРО-2020 матчы кезінде Эриксеннің жүрегі тоқтап, кейін оған имплантты кардиовертер-дефибриллятор орнатылған еді. А сериясының тәртібі бойынша мұндай футболшылар алаңға шыға алмайды. 

«Ол Данияға, алғашқы клубы «Оденсеге» оралуы мүмкін. Алты апта бұрын ол туралы «Аякс» та ақпарат сұраған», - деді журналист Николо Скрира.