ҚКФЛ президентінің сайлауы өтті

Қазақстанның кәсіпқой футбол лигасы мүшелерінің жалпы жиналысы өтті. Бұл туралы ҚКФЛ баспасөз қызметі хабарлады.

Күн тәртібіндегі көтерілген мәселелердің бірі ҚКФЛ президентін қайта сайлау болды. Лига Жарғысы аясында клубтар Абраев Олжас Шәкенұлын ұсынды.

Дауыс беру қорытындысы бойынша бұл кандидатура бірауыздан қабылданған шешіммен бекітілді. Олжас Абраевтың қызмет мерзімі екі жылға ұзартылды.