Испания құрамасының бұрынғы футболшысы қазақстандық клубты баптауы мүмкін

Испания құрамасының бұрынғы жартылай қорғаушысы Альберт Риера Премьер-лиганың дебютанты «Ақсу» командасымен келіссөздер жүргізуде, деп хабарлайды Prosports.kz Meta-ratings.kz сайтына сілтеме жасап.

Альберт Риера футболшы кезінде «Мальорка», «Бордо», «Манчестер Сити», «Ливерпуль», «Галатасарай» және т.б. клубтарда ойнаған.

Испания құрамасы сапында Конфедерация кубогында қола жүлдегер атанды.

Ол бапкерлік мансабын былтыр «Галатасарай» бас бапкерінің көмекшісі болып бастаған.