Либертадорес кубогын биыл да «Палмейрас» жеңіп алды

Уругвай астанасы Монтевидео қаласында Оңтүстік Америкадағы басты клубтық турнир – Либертадорес кубогының финалдық матчы өтті, деп хабарлайды Prosports.kz.

Финалда бразилиялық командалар «Пальмейрас» пен «Фламенго» кездесті. Бұл ойында «Палмейрас» 2:1 есебімен жеңіске жетті.

Осылайша, «Палмейрас» Либертадорес кубогын қатарынан екінші рет жеңіп алды (өткен жылы Альвиверде финалда тағы бір бразилиялық клуб «Сантосты» 1:0 есебімен жеңген).

Либертадорес кубогы. Финал. Монтевидео (Уругвай)<br />

«Палмейрас» (Сан-Паулу, Бразилия) – «Фламенго» (Рио-де-Жанейро, Бразилия) 2:1 қ. у. (1:0, 1:1)

Гол соққандар:<span> </span><span>1:0 – Рафаэль Вейга (5), 1:1 – Габриэл (72), 2:1 – Дейверсон (95)</span>

Фото uol.com