«Астананың» бас бапкері Андрей Тихонов қызметінен кетті. Оның орнына басты үміткер аталды

Андрей Тихонов пен «Астана» ФК тараптардың өзара келісімі бойынша келісімшартты мерзімінен бұрын бұзды, деп хабарлайды Prosports.kz.

51 жастағы ресейлік маман әлі де Нұр-Сұлтанда, ол бұрынғы командасының «Қайратқа» қарсы 7 қарашада өтетін Қазақстан кубогы бірінші жартылай финалдық матчына қатысады. Бірақ ол ойынды трибунадан, көрермен ретінде тамашалайды.

Соңғы мәліметтер бойынша, Тихоновтың орнына басты үміткер «Каспийдің» бұрынғы бас бапкері Срджан Благоевич.

Фото: ФК «Астана»