Қазақстан құрамасы 2022 жылғы әлем чемпионатына іріктеуде Босния және Герцеговинамен қай уақытта ойнайды

9 қазанда Қазақстан құрамасы 2022 жылғы әлем чемпионатына іріктеу турнирі аясында Босния және Герцеговина құрамасымен матч өткізеді, деп хабарлайды Рrosports.kz.

Қазақстан-Босния және Герцеговина матчы Нұр-Сұлтанда жергілікті  уақытпен 19: 00-де басталады. Бұл ойынды Qazsport телеарнасы тікелей эфирде көрсетеді.

Бес ойыннан кейін 3 ұпаймен Қазақстан құрамасы D тобында соңғы, бесінші орынды иеленді. Босния және Герцеговинаның да үш ұпайы бар, бірақ төрт матч өткізді және турнир кестесінде бір саты жоғары, төртінші орында.

Естеріңізге сала кетейік, Қазақстан мен Босния және Герцеговина арасындағы топтағы бірінші матч қыркүйекте өтті және нәтижелі тең аяқталды - 2: 2.