«Барселона» 24 қазанда «Реалға» қарсы матчтан кейін Куман туралы шешім қабылдайды

«Барселона» клубтың қазіргі бас бапкері Рональд Куманмен әрі қарайғы келісімшарты туралы шешімді 24 қазанда өтетін «Реалмен» матчтан кейін қабылдайды, деп хабарлайды Prosports.kz.

Клуб президенті Джоан Лапорта Куманмен келісімшартты бұзбағанының себебі клубқа басқа бапкердің әлі табылмай жатқандығы болуы мүмкін.

Шешімге қаржылық шектеулер әсер еткені және бұл қадам үшін ең жақсы уақыт емес екендігі айтылған.

«Барселона» Ла Лиганның осы маусымында 12 ұпаймен тоғызыншы орында келеді.

Келесі турда «Барселона» «Валенсияны» қабылдайды.