ТМД елдері ойындары: балуандар 5 жүлдеге қол жеткізді
Бүгін алғаш рет жалауы желбіреген ТМД елдері арасындағы спорт ойындарында боз кілем шеберлері бірнеше салмақта кім мықтыны анықтады.
Қазан қаласындағы «Ақ Барыс» жекпе-жек сарайында грек-рим күресі бәсекесінде Қазақстан құрамасының қоржынына бес жүлде түсті.
Әуелі 63 килода белдесетін<span> </span>Мадияр Мәулетқанов<span> </span>финалда Беларусь балуаны Глеб Макаренкоға жол беріп, күміс жүлдегер атанды. Бұл Қазақстан қоржынына түскен алғашқы жүлде болатын.
Осыдан кейін 67 килограмдағы<span> </span>Дінмұхамед Қошқар<span> </span>ақтық сында әзірбайжандық Хасрат Джафаровтан ұтылып, ел қоржынына екінші күміс жүлдені салды.
Ал 77 келіде сынға түскен отандасымыз<span> </span>Расул Жүніс<span> </span>қолаға қол созып, ресейлік Ислам Алиев пен өзбекстандық Муроджон Алимжановтан кейін үздік үштікті түйіндеді.
Сонымен қатар 87 килодағы<span> </span>Мақсат Сайлау<span> </span>да ақтық сында ресейлік Мухаммад Евлоевтан айласын асыра алмай күміс жүлдегер атанды.
Сондай-ақ 130 килода боз кілемге шыққан<span> </span>Асылбек Жәнібекұлы<span> </span>жұбаныш белдесуінде жеңіске жетіп, қола медаль алды. Алтын Беларусь спортшысы Никита Ковальскийді жеңген әзірбайжандық Сархан Маммадовке бұйырды.
Әзірге Қазақстан делегациясы 3 күміс, 2 қола медальмен жалпы командалық есепте төртінші орында келе жатыр.