«Манчестер Сити» англиялық қорғаушымен жаңа келісімшарт жасасты

«Манчестер Сити» футбол клубы англиялық қорғаушы Джон Стоунзбен келісімшарт мерзімін ұзартты, деп жазады Prosports.kz.

Клубтың баспасөз қызметінің хабарлауынша, жаңа келісімшарт бес жылға жасалды, 27 жастағы ойыншы қазіргі командасында 2026 жылға дейін өнер көрсетеді.

Айта кетейік, Стоунз «Ситиге» 2016 жылы «Эвертоннан» ауысып келді. Содан бері футболшы 168 матсқа қатысты. Командасымен бірге үш дүркін Англия чемпионы атанды.