Зайнутдиновтің командаласы «Венеция» клубына ауысты

ЦСКА командасының жартылай қорғаушысы Арнор Сигурдссон Венецияға жалға берілді, - деп хабарлайды Prosports.kz клубтың ресми сайтына сілтеме жасап. 

22 жастағы футболшы 2021/22 маусымын А сериясында өткізеді. Исландиялық футболшы ЦСКА-да 3 маусымда 66 кездесу өткізіп, 11 гол соғып, 6 нәтижелі пас берген. 

Еске салайық, ЦСКА РПЛ-дың жаңа маусымындағы алғашқы ойынын өз алаңында «УФА» командасымен өткізді. Аталған кездесуде мәскеулік клуб 1:0 есебімен жеңіске жетті. Ойындағы жалғыз голдың авторы - Антон Заболотный.