Ел кубогы: Екінші турдың алғашқы матчтарының тікелей трансляциясы

16 шілдеде Қарағанды, Нұр-Сұлтан және Қостанайдағы матчтар футболдан Қазақстан Кубогының топтық кезеңінің 2-турының бағдарламасын ашады, деп хабарлайды Prosports.kz.

19:00-де «Шахтер» петропавлдық «Қызыл-Жарды» қабылдайды. Бірінші турдан кейін «кеншілер» қоржынында ұпай жоқ. Ал «Қызыл-Жар» аяғы дауға айналған ойында елордалық СДЮСШОР №8 командасын техникалық жеңіспен ұтқан еді. 

Қарағандыдағы матчпен бір уақытта <span>«Астана» - «Ақтөбе» кездесуі басталады. Екі ұжым да бірінші турда қарсылас қақпасына гол соққан жоқ. </span>

<span>21:00: «Тобыл» өз алаңында «Атырауды» қабылдайды. Қостанайлықтар бірінші турда жеңіспен бастаса, қонақтар «Мақтааралмен» тең түсті. </span>

<span> </span>