«Атырауға» ресейлік жартылай қорғаушы ауысып келді

«Атырау» футбол клубы ресейлік жартылай қорғаушы Владимир Медведьпен келісімшарт жасады, деп хабарлайды Prosports.kz.

Бұл туралы атыраулық клубтың баспасөз қызметі мәлімдеді.

21 жастағы жартылай қорғаушы минскілік «Динамоның» түлегі. 17 жасында Беларусь Жоғары лигасында дебют жасаған.

Футболшы мансабында «Славия Мозырь», «Нафтан» (Беларусь), «Динамо-Брест» , «Слуцк» , «Ростов», «Крылья Советов», «Чайка», «Ротор» сияқты командаларда өнер көрсетті.