«Тобылдың» бұрынғы ойыншысы «Қызыл-Жарға» ауысты

«Тобылдың» бұрынғы жартылай қорғаушысы Карлос Фонсека «Қызыл-Жар» футбол клубымен келісімшартқа отырды, деп хабарлайды Prosports.kz.

Бұл туралы петропавлдық клубтың баспасөз қызметі мәлімдеді.

Португалиялық футболшы «Санта-Мария» клубының түлегі. Ол сонымен бірге өз елінде «Тирсенсе» және «Фейренси» клубтарында ойнаған.

Фонсека қазақстандық жанкүйерлерге «Ертістің» үздік ойыншысы ретінде танылды. Павлодарлық клуб жабылғаннан кейін ол «Тобылға» ауысты.